Adkisicion di Nagico Road & Claims Services N.V. pa 2 Fast 4 U Company VBA (notificacion di concentracion) VBA
Dia 26 di april 2024, Aruba Fair Trade Authority (AFTA) a ricibi un notificacion for di 2 Fast 4 U Company VBA (2Fast4U) tocante un concentracion potencial segun articulo 3.1, paragraf 1 di Ordenanza encuanto Competencia.
2Fast4U ta un compania ku ta brinda servicio di tow vehiculonan cu a daña banda di caminda of tow vehiculonan ku a para ilegalmente, y tambe servicio di asistencia banda di caminda den mercado di Aruba. E notification ta indica cu a firma un acuerdo di benta di shares entre Nagico Dutch Caribbean B.V. (bendedo), Nagico Road & Claims Services N.V. (NRCS) (compania adkiri), y 2Fast4U (cumprado). E acuerdo aki ta inclui benta di tur shares di NRCS, un subsidiario di Nagico Dutch Caribbean B.V., na 2Fast4U.
Activiteiten van de betrokken onderneming
Segun e notificacion, e companianan envolvi ta ehecuta e siguiente actividadnan:
2Fast4U
ta brinda servicio di tow vehiculonan cu a daña banda di caminda of tow vehiculonan ku a para ilegalmente, y tambe servicio di asistencia banda di caminda na personanan y empresanan local.
NRCS
ta parti di Nagico Dutch Caribbean B.V. y ta duna servicio di tow vehiculonan cu a daña banda di caminda of tow vehiculonan ku a para ilegalmente, y tambe servicio di asistencia banda di caminda exclusivamente na clientenan di Nagico Aruba N.V. Adicionalmente, NRCS ta ofrece servicio di registracion di accident di trafico exclusivamente na clientenan di Nagico Aruba N.V.
NRCS tin licencia pa por brinda registracion di accident di trafico. Cu e adkisicion di NRCS, 2Fast4U tin e oportunidad pa drenta den e mercado di registracion di accident di trafico y expande su servicionan. Esaki ta duna 2Fast4U e oportunidad pa ofrece e producto di registracion di accident di trafico na otro companianan di seguro riba mercado di Aruba.
Mercadonan relevante
Segun e notificacion, e mercadonan di producto relevante ta e mercado di duna servicio di tow vehiculonan cu a daña banda di caminda of tow vehiculonan ku a para ilegalmente, e mercado di servicio di asistencia banda di caminda, y e mercado di servicio di registracion di accident di trafico. E mercado geografico relevante ta limita na Aruba.
AFTA su hurisdiccion den concentracion
AFTA ta ehecuta su tareanan conforme cu e Ordenanza encuanto Competencia. Aunke e Ordenanza encuanto Competencia no ta duna AFTA e autoridad pa blokia fusion, traspaso, y joint venture, esaki si ta rekeri ku fusion, traspaso, y joint venture significante mester wordo notifica na AFTA prome cu e concentracion tuma lugar. AFTA lo evalua si e transaction raporta door di 2Fast4U ta cay den obhetivo di articulo 3.1 di e Ordenanza encuanto Competencia. E notificacion aki a wordo publica den e Landscourant di Aruba conforme cu articulo 3.2, paragraf 2 di e Ordenanza encuanto Competencia.